கிரிக்கெட் வரலாற்றிலேயே சிறந்த அணி ஆஸ்திரேலியா தான்-ரிச்சர்ட்ஸ்

மும்பை: உலக கிரிக்கெட் வரலாற்றிலேயே மிக பலம் வாய்ந்த அணி ஆஸ்திரேலியா தான் என மேற்கிந்திய அணியின் முன்னாள் பிரபல கேப்டன் விவியன் ரிச்சர்ட்ஸ் கூறியுள்ளார்.

4 முறையாக உலக கோப்பையை வென்றுள்ள ஆஸ்திரேலியா குறித்து அவர் இந்திய தொலைகாட்சிக்கு அளித்த பேட்டியில்,

கிரிக்கெட் வரலாற்றிலேயே மிக அபூர்மான அணி ஆஸ்திரேலியா அணி தான். உலக கோப்பை போட்டி முழுவதும் ஆஸ்திரேலிய வீரர்கள் மிக சிறப்பாக விளையாடினர்.

இலங்கையின் பந்து வீச்சு நன்றாக இருந்தது. அந்த பந்து வீச்சையே இவர்கள் சிதறடித்துவிட்டனர்.

1970, 80களில் ஆஸ்திரேலிய வீரர்கள் மிக அபாரமாக விளையாடினார்கள். அப்போதிருந்த வீரர்களை விட இவர்கள் மிகவும் பலம் வாய்ந்தவர்களாக இருக்கின்றனர்.

ஆஸ்திரேலிய கேப்டன் ரிக்கி பாண்டிங் நல்ல பௌலர்களையும், பேட்ஸ்மேன்களையும் சர்வதேச போட்டிகளில் கொண்டு வந்து நிறுத்தினார்.

ஆஸ்திரேலியாவுக்கும், மற்ற அணிக்களுக்குமிடையே மிக மிக அதிகமான இடைவெளி உள்ளது என்றார் ரிச்சர்ட்ஸ்.