கருணாநிதி பாராட்டு விழா தேதி மாற்றம்-சாட்டர்ஜி பங்கேற்பு

சென்னை:தமிழக முதல்வரின் அரசியல் பொன் விழா 12ம் தேதிக்கு மாற்றப்பட்டுள்ளது.

தமிழக சட்டசபைக்கு முதன்முதலாக 1957ம் வருடம் கருணாநிதி தேர்ந்தெடுக்கப்பட்டார். இப்போது 50 ஆண்டுகள் நிறைவடைந்ததுள்ளது. இதையடுத்து முதல்வரின் அரசியல் பொன்விழா பாராட்டு விழா வரும் 11ம் தேதி நடைபெறுவதாக இருந்தது.

அதில் மக்களவை சபாநாயகர் சோம்நாத் சாட்டர்ஜி கலந்து கொள்வதாக அறிவிக்கப்பட்டிருந்தது. ஆனால், இந் நிகழ்ச்சி 12ம் தேதிக்கு தள்ளி வைக்கப்பட்டுள்ளதாக இன்று சட்டசபையில் சபாநாயகர் ஆவுடையப்பன் தெரிவித்தார்.

இந்த விழாவையொட்டி தமிழக சட்டசபையில் வரும் 12ம் தேதி மக்களவை சபாநாயகர் சோம்நாத் சாட்டர்ஜி உரை நிகழ்த்துகிறார்.

இவ்வாறு தேதி மாற்றபட்டுவது இது 2வது முறையாகும். முன்னதாக இந்த விழாவையொட்டி சட்டசபையில் ஜனாதிபதி கலாம் உரையாற்றுவதாக இருந்தது. ஆனால், ஜெயலலிதாவின் எதிர்ப்பால் அதை அவாய்ட் செய்துவிட்டார் கலாம்.