இந்தியா-வங்கதேச கிரிக்கெட் போட்டிகள்- ராஜ் டிவி நேரடி ஒளிபரப்பு
டெல்லி:இந்தியா-வங்கதேசம் இடையிலான கிரிக்கெட் போட்டித் தொடரை ராஜ் டிவி நேரடியாக ஒளிபரப்பவுள்ளது. தமிழ் மற்றும் தெலுங்கில் நேரடி வர்ணணையும் வழங்கப்படவுள்ளது.
நியோ ஸ்போர்ட்ஸ் நிறுவனத்துடன் இணைந்து இந்த சேவையை ராஜ் டிவி வழங்குகிறது.
இந்திய அணி வங்கதேசத்தில் மே 10ம் தேதி தொடங்கி 3 ஒரு நாள் போட்டிகளும், 2 டெஸ்ட் போட்டிகளும் விளையாடவுள்ளது.
உலகக் கோப்பை போட்டியில் இந்தியாவையும் தென் ஆப்பிரிக்காவையும் புரட்டி எடுத்தது முதல் வங்கதேச கிரிக்கெட் அணி மீது உலகெங்கும் பெரும் எதிர்பார்ப்பும், மரியாதையும் உருவாகியுள்ளது குறிப்பிடத்தக்ககது.
உலகக் கோப்பை போட்டியில் தோற்றாலும் இந்தியாவைவிட நல்ல பெயருடன் வெளியேறியது அந்த அணி.
இதனால் இந்திய அணியின் வங்கதேச டூர் பெரும் பரபரப்பாக இருக்கும் என எதிர்பார்க்கப்படுகிறது.
இந்தத் தொடரை ராஜ் டிவி தமிழிலும் அதன் தெலுங்கு சேனலான விஸ்ஸா தெலுங்கிலும் நேரடியாக ஒளிபரப்பவுள்ளது.