For Daily Alerts
Just In
அதிமுக எம்.எல்.ஏ சேகர்பாபு கார் மீது டிப்பர் லாரி மோதல்
சென்னை:சென்னையில் நடந்த சாலை விபத்தில் அதிமுக எம்.எல்.ஏ சேகர்பாபு சிக்கி அதிர்ஷ்டவசமாக உயிர் தப்பினார்.
சென்னை துறைமுகம் பகுதியில் அதிமுக சார்பில் கூட்டம் நடந்தது. இதில் கலந்து கொள்வதற்காக அதிமுக எம்.எல்.ஏ பி.கே.சேகர்பாபு ஓட்டேரியில் உள்ள தனது வீட்டிலிருந்து கிளம்பினார்.
கார் பேசின்பிரிட்ஜ் பாலத்தின் மீது சென்று கொண்டிருந்தபோது, பக்கவாட்டுச் சாலையிலிருந்து வேகமாக ஒரு டிப்பர் லாரி கார் மீது பயங்கரமாக மோதியது.
இதில் சேகர்பாபுவின் கார் சேதமடைந்தது. சேகர்பாபுவின் காலில் லேசான காயம் ஏற்பட்டது. உடனடியாக விரைந்து வந்து வண்ணாரப்பேட்டை போலீஸார் டிப்பர் லாரி டிரைவரைக் கைது செய்தனர்.
சேகர்பாபு சிகிச்சை எடுத்துக் கொண்ட பின்னர் ஆட்டோ ஒன்றைப் பிடித்து கூட்டத்திற்குப் போய்ச் சேர்ந்தார்.
Story first published: Tuesday, May 8, 2007, 5:30 [IST]