இன்று திமுக நிர்வாகக் குழு கூட்டம்:தயாநிதி மாறன் கட்சியிலிருந்து நீக்கம்?

சென்னை:திமுக நிர்வாகக் குழு இன்று மாலை கூட்டப்பட்டுள்ளது. அக்கூட்டத்தில் தயாநிதி மாறனை திமுகவிலிருந்து நீக்குவது தொடர்பான முக்கிய முடிவு எடுக்கப்படும் என எதிர்பார்க்கப்படுகிறது.

தினகரன், திமுக இடையே கடும் மோதல் மூண்டிருக்கும் நிலையில், கட்சியின் தலைமை நிர்வாகக் குழுக் கூட்டம் இன்று மாலை அறிவாலயத்தில் கூட்டப்பட்டுள்ளது.

முதல்வர் கருணாநிதி தலைமையில் நடைபெறும் இக்கூட்டத்தில் நிர்வாகக் குழு உறுப்பினர்கள் தவறாமல் கலந்து கொள்ள வேண்டும் என பொதுச் செயலாளர் அன்பழகன் வெளியிட்டுள்ள அறிக்கையில் கூறியுள்ளார்.

இக்கூட்டத்தில் தயாநிதி மாறன் திமுகவிலிருந்து நீக்கப்படுவது குறித்து முக்கியமாக ஆலோசிக்கப்படவுள்ளது.