அப்துல் கலாமிற்கு இங்கிலாந்து அரசின் கிங் சார்லஸ் விருது

டெல்லி:ஜனாதிபதி அப்துல் கலாமிற்கு இங்கிலாந்து அரசின் கிங் சார்லஸ் விருது வழங்கப்படுகிறது.

இங்கிலாந்து தலைநகரான லண்டனில் ராயல் சொஸைட்டி ஆப் லண்டன் என்ற அமைப்பு, அறிவியல் மற்றும் தொழில்நுட்ப துறையில் உலகில் அளவில் சாதனை படைத்தவர்களை தேர்ந்தெடுத்து கிங் சார்லஸ் பதக்கம் வழங்கி வருகிறது. இந்த விருது இங்கிலாந்து அல்லாத பிறநாட்டை சேர்ந்தவர்களுக்கு மட்டுமே வழங்கப்படுகிறது.

இந்த ஆண்டிற்கான கிங் சார்லஸ் பதக்கம் இந்திய குடியரசு தலைவர் அப்துல் கலாமிற்கு வழங்கப்படுகிறது. இந்த அறிவிப்பு லண்டனில் நேற்று வெளியானது.

இந்தியாவை 2020ம் ஆண்டுக்குள் வளர்ந்த நாடாக மாற்ற என அவர் எடுத்து வரும் முயற்சிக்காகவும், விண்வெளி மற்றும் ராணுவ ஆராய்ச்சி துறையில் அவர் ஆற்றியுள்ள சாதனைக்காகவும் இந்த விருது வழங்கப்படுகிறது.

1997ம் ஆண்டு ஜப்பானின் பேரரசர் அகிட்டோவிற்கு பிறகு, ஒரு நாட்டின் உயர்ந்த தலைவர் என்ற முறையில குடியரசு தலைவர் அப்துல் கலாமிற்கு இந்த விருது வழங்கப்படுவது குறிப்பிடத்தக்கது.