சேது திட்டத்தால் பயன் இல்லை-பாஜக

மயிலாடுதுறை:சேது சமுத்திர திட்டத்தால் மக்களுக்கு எந்த பயனும் இல்லை, ராமர் பாலத்தை இடிக்க அனுமதிக்க மாட்டோம் என பாஜக மாநில துணைத்தலைவர் ராஜா கூறியுள்ளார்.

நாகை மாவட்டத்தில் நடந்த பாஜக செயற்குழு கூட்டத்தில் கலந்து கொண்ட ராஜா பின்னர் செய்தியாளர்களிடம் பேசுகையில்,

சேது சமுத்திர திட்டத்தால் மக்களுக்கு எந்தவிதமான பயனும் இல்லை. இதனால் ராமர் பாலம் இடிக்கப்படுவதை நாங்கள் ஒருபோதும் அனுமதிக்க மாட்டோம்.

சேது சமுத்திர பணி நடைபெறும் பாதையை மாற்றி அமைக்க வேண்டும் என மத்திய அமைச்சர் டி.ஆர். பாலுவிடம் கேட்டுக் கொள்கிறேன்.

செம்பனார் கோவில் அருகே சிவன் கோவிலிலுள்ள சிவலிங்கத்தை தீயசக்திகள் அகற்றியுள்ளனர். மே மாத இறுதிக்குள் இந்த கோவிலை புதுப்பிக்க அதிகாரிகள் தக்க நடவடிக்கை எடுக்க வேண்டும் என்றார்.