கோவை-மாஜி அதிமுக எம்ஏல்ஏவின் கேபிள் டிவிஅலுவலகம் மீது பெட்ரோல் குண்டு வீச்சு
கோவை:அதிமுக முன்னாள் எம்எல்ஏவின் கேபிள் டிவி அலுவலகத்தின் மீது அடையாளம் தெரியாத சிலர் பெட்ரோல் குண்டு வீசி தாக்குதல் நடத்தினர். இதில் ரூ. 5 லட்சம் மதிப்புள்ள எலக்ட்ரானிக் பொருட்கள் சேதமடைந்தன.
கோவை மாவட்டம் பேரூர் அருகே முன்னாள் அதிமுக எம்எல்ஏ திருப்பூர் சிவசாமிக்கு சொந்தமான டிசிபி (தமிழ்தாய் கேபிள் விஷன்) கேபிள் டிவி அலுவலகம் உள்ளது. இங்கு வந்த சிலர் இரண்டு பெட்ரோல் குண்டுகளை வீசி எறிந்தனர்.
இதில் அலுவகம் முழுவதும் தீப்பிடித்து எறிந்தது. அலுவலகம் தீப்பிடித்து எறிவதை பார்த்த அக்கம்பக்கத்தினர் தீயணைப்பு படைக்கு தகவல் கொடுத்தனர். தீயணைப்பு படையினர் விரைந்து வந்து தீயை அணைத்தனர்.
இதில் சுமார் 5 லட்சம் மதிப்புள்ள எலக்ட்ரானிக் பொருட்கள் சேதமடைந்தன. வியாபார போட்டியால் இந்தத் தாக்குதல் நடந்திருக்கலாம் என போலீசார் சந்தேகப்படுகின்றனர்.
இதுகுறித்து போலீஸார் வழக்கு பதிவு செய்து விசாரணை நடத்தி வருகின்றனர்.