தயாநிதி மாறன் திடீர் டெல்லி பயணம்

சென்னை:மத்திய அமைச்சர் பதவியிலிருந்து விலகியுள்ள தயாநிதி மாறன் நேற்று திடீரென டெல்லிக்குப் புறப்பட்டுச் சென்றார்.

முதல்வர் கருணாநிதியின் வலதுகரம் போல திகழ்ந்து வந்த தயாநிதி மாறன், தினகரன் கருத்துக் கணிப்பு, மதுரை தினகரன் அலுவலகம் மீதான தாக்குதல் ஆகியவற்றுக்குப் பின்னர் திமுகவினரின் அதிருப்தியை சம்பாதித்தார்.

திமுக மற்றும் கருணாநிதி குடும்பத்திற்குள் மாறன் குடும்பத்தினர் மீது கடும் அதிருப்தி எழுந்ததால், தயாநிதி மாறன் அமைச்சர் பதவியைப் பறிக்க திமுக முடிவு செய்தது. இதையடுத்து அவர் தனது பதவியை ராஜினாமா செய்தார்.

அதன் பின்னர் ஊட்டி சென்று குடும்பத்துடன் ஓய்வு எடுத்து வந்தார். பின்னர் சென்னை திரும்பிய அவர் நேற்று திடீரென டெல்லி புறப்பட்டுச் சென்றார்.