ராஜ்யசபா திமுக வேட்பாளர் யார்?இன்று கருணாநிதி தலைமையில் ஆலோசனை

சென்னைராஜ்யசபா தேர்தலில் திமுக சார்பில் போட்டியிடும் வேட்பாளர்கள் குறித்துத் தீர்மானிக்க திமுக உயர்நிலை செயல் திட்டக் குழுக் கூட்டம் இன்று சென்னையில் கூடுகிறது.

தமிழகத்தில் காலியாகும் 6 ராஜ்யசபா இடங்களுக்கு ஜூன் 15ம் தேதி தேர்தல் நடைபெறவுள்ளது. இதில் திமுக கூட்டணிக்கு 4 இடங்களும், அதிமுக கூட்டணிக்கு இரு இடங்களும் கிடைக்கும் நிலை உள்ளது.

திமுக கூட்டணியில், இந்திய கம்யூனிஸ்ட் கட்சிக்கும், காங்கிரஸுக்கும் தலா ஒரு இடத்தை திமுக ஒதுக்கியுள்ளது. இதில் இந்திய கம்யூனிஸ்ட் சார்பில் டி.ராஜா போட்டியிடவுள்ளார். காங்கிரஸ் சார்பில் யார் போட்டியிடுவார் எனத் தெரியவில்லை.

இந்த நிலையில் திமுக சார்பில் போட்டியிடும் வேட்பாளர்களை தேர்வு செய்ய திமுக உயர்நிலை செயல் திட்டக் குழுக் கூட்டம் முதல்வர் கருணாநிதி தலைமையில் அண்ணா அறிவாலயம், முரசொலி மாறன் அரங்கில் இன்று மாலை 6 மணிக்கு நடைபெறுகிறது.

இன்றைய கூட்டத்திற்குப் பின்னர் முதல்வரின் மகள் கனிமொழிக்கு சீட் கொடுக்கப்படுமா என்பது குறித்துத் தெரிய வரலாம்.