நிலக்கேட்டை: கோயில் உண்டியல் திறப்பதில் தகராறு-போலீஸ் துப்பாக்கி சூடு

திண்டுக்கல்:திண்டுக்கல் மாவட்டம் நிலக்கோட்டை அருகே விளாம்பட்டியில் முத்தாலம்மன் கோயில் உண்டியல் திறப்பதில் தகராறு ஏற்பட்டு பெரும் கலவரமாக மாறியது. கலவரத்தை அடக்க போலீஸார் வானத்தை நோக்கி துப்பாக்கி சூடு நடத்தினர்.

இக் கோயில் உண்டியல் திறப்பதில் இரு தரப்பினரிடையே நீண்ட காலமாக தகராறு இருந்து வந்தது. இதனால் கடந்த 2 ஆண்டுகளாக கோயில் உண்டியல் திறக்கப்படவில்லை.

இந் நிலையில் அறநிலைத்துறை அதிகாரிகள் முன்னிலையில் உண்டியில் நேற்று திறக்கப்பட்டது. அப்போது இருதரப்பினரிடையே கடும் மோதல் ஏற்பட்டது. அதிகாரிகள் வந்த கார் அடித்து நொறுக்கப்பட்டது. மேலும் பஸ்கள் மீது கற்கள் வீசப்பட்டன.

இதுகுறித்து தகவல் அறிந்த திண்டுக்கல் போலீஸ் அதிரடிப் படையினர் அங்கு விரைந்து வந்து கலவரக்காரர்களிடம் பேச்சு வார்த்தை நடத்தினர். ஆனால் அவர் சமாதானம் அடையவில்லை. மறாக போலீஸார் மீது தாக்குதலில் இறங்கினார்.

இதையடுத்து போலீஸார் தடியடி நடத்தி அவர்களை கலைக்க முயற்சித்தனர். ஆனால் அவர்கள் போலீஸார் மீது கல் வீசினார்.

இதையடுத்து போலீஸார் வானத்தை நோக்கி முன்று முறை துப்பாக்கி சூடு நடத்தினர். இதனால் கலவரக்காரர்கள் விரட்டியடித்தனர். இதனால் அப்பகுதியில் பெரும் பதற்றம் நிலவுவதல் போலீஸார் அங்கு குவிக்கப்பட்டுள்ளனர்.