பிரதீபா பாட்டீல் தேர்வு ஒண்டர்ஃபுல் - கலாம்

நாக்பூர்:பிரதீபா பாட்டீலை குடியரசுத் தலைவர் தேர்தல் வேட்பாளராக ஐக்கிய முற்போக்குக் கூட்டணி தேர்வு செய்தது அற்புதமானது என்று கூறியுள்ளார் குடியரசுத் தலைவர் அப்துல் கலாம்.

மகாராஷ்டிர மாநிலம் நாக்பூருக்கு வந்த கலாமிடம், பிரதீபா பாட்டீல் தேர்வு குறித்து செய்தியாளர்கள் கேட்டபோது, பென்டாஸ்டிக்... பென்டாஸ்டிக்.. ஒன்டர்ஃபுல் என்று புன்னகைத்தபடி கூறினார்.

அதேசமயம், பாஜகவின் மறைமுக ஆதரவுடன் களத்தில் குதிக்கவுள்ள துணை குடியரசுத் தலைவர் பைரான் சிங் ஷெகாவத் கருத்து தெரிவிக்க மறுத்து விட்டார்.

நேற்று நாடாளுமன்ற ராஜ்யசபா உறுப்பினராக பிரதமர் மன்மோகன் சிங் பதவியேற்றார். அவருக்கு ஷெகாவத் பதவிப்பிரமாணம் செய்து வைத்தார்.

பின்னர் செய்தியாளர்கள் அவரைச் சந்தித்து பாட்டீல் தேர்வு குறித்து கேட்டபோது, அது பற்றி பேச வேண்டாமே என்று கூறி விட்டுச் சென்று விட்டார் ஷெகாவத்.