கருணாநிதியுடன் அன்புமணி சந்திப்பு

சென்னை:முதல்வர் கருணாநிதியை மத்திய சுகாதாரத் துறை அமைச்சர் டாக்டர் அன்புமணி மற்றும் ரயில்வே இணை அமைச்சர் வேலு ஆகியோர் இன்று சந்தித்துப் பேசினர்.

இன்று காலை கோபாலபுரத்தில் உள்ள முதல்வர் இல்லத்துக்கு இருவரும் சென்றனர். கருணாநிதியை சந்தித்த அவர்கள் தமிழக சுகாதாரத் துறை தொடர்பாகவும், சிக்குன்குனியா தடுப்பு நடவடிக்கைகள் குறித்தும் விவாதித்ததாக தெரிகிறது.

மேலும் சேலம் ரயில்வே கோட்டம் தொடர்பாகவும் முக்கியமாக இருவரும் விவாதித்தனர். இதுதவிர சேலம் அரசு மருத்துவமனைக்கான புதிய கட்டட அடிக்கல் நாட்டு விழாவில் கலந்து கொள்ளுமாறு முதல்வருக்கு அன்புமணி அழைப்பு விடுத்தார்.