புகைப்பட வாக்காளர் பட்டியல்:நெல்லையில் நரேஷ் குப்தா ஆலோசனை

திருநெல்வேலி:நெல்லை உள்ளிட்ட 3 மாவட்டங்களில் புகைப்பட வாக்காளர் பட்டியல் தயாரிப்புப் பணி தொடர்பாக தலைமைத் தேர்தல் அதிகாரி நரேஷ்குப்தா ஆலோசனை நடத்தினார்.

2009-ம் ஆண்டு நடைபெற உள்ள பாராளுமன்ற தேர்தலுக்கு முன்பு அனைத்து தொகுதிகளிலும் புகைப்பட வாக்காளர் பட்டியலை வெளியிட தேர்தல் ஆணையம் தீவிரமாக செயல்பட்டு வருகிறது.

அதன்படி தமிழகத்திலும் புகைப்பட வாக்காளர் பட்டியல் தயாரிப்புப் பணி தீவிரமாக நடந்து வருகிறது. இதுதொடர்பாக தலைமைத் தேர்தல் அதிகாரி நரேஷ்குப்தா, அனைத்து மாவட்டங்களிலும் சுற்றுபயணம் மேற்கொண்டு மாவட்ட ஆட்சியர்களுடன் ஆலோசனை நடத்தி வருகிறார்.

இன்று திருநெல்வேலி வந்த நரேஷ் குப்தா மற்றும் தேர்தல் பிரிவு அதிகாரிகள் நெல்லை, தூத்துக்குடி, குமரி ஆகிய 3 மாவட்ட ஆட்சி தலைவர்கள் சப்-கலெக்டர்கள், ஆர்.டி.ஓக்கள், வட்டாட்சியர்களிடம் ஆலோசனை நடத்தினர்.