மறைந்த நடிகர் கராத்தே மணியின் தம்பி மரணம்

சென்னை: மறைந்த நடிகர் கராத்தே மணியின் தம்பியும், கராத்தே நிபுணருமான ஆர்.வி.வசந்தகுமார் புற்று நோயால் சென்னையில் மரணமடைந்தார்.

பல ஆண்டுகளுக்கு முன்பு பல்வேறு தமிழ்ப் படங்களில் நடித்தவர் கராத்தே மணி எனப்படும் ஆர்.வி.டி.மணி. இவரது தம்பி ஆர்.வி.வசந்தகுமார். 55 வயதான வசந்தகுமாரும் ஒரு கராத்தே நிபுணர் ஆவார்.

கராத்தேவில் கருப்பு பெல்ட் பெற்றவரான இவர் ரயில்வேயில் பணியாற்றி வந்தார். வசந்தகுமார் புற்று நோயால் பாதிக்கப்பட்டிருந்தார். நேற்று உடல் நலம் மோசமாகி மரணமடைந்தார். அவருக்கு மனைவி, ஒரு மகள் உள்ளனர்.

அகில இந்திய கராத்தோ - டோ சம்மேளன தலைவரும், முன்னாள் சென்னை துணை மேயருமான கராத்தே தியாகராஜன் உள்ளிட்டோர் வசந்தகுமார் உடலுக்கு அஞ்சலி செலுத்தினர். பின்னர் அண்ணாநகர் மின் மயானத்தில் வசந்தகுமாரின் உடல் தகனம் செய்யப்பட்டது.