ஹிலாரியும் ஹூமாவும்.. லெஸ்பியன்களா?
வாஷிங்டன்: அமெரிக்க அதிபர் தேர்தலில் ேபாட்டியிடும் முன்னாள் அதிபர் பில் கிளின்டனின் மனைவி ஹிலாரி லெஸ்பியன் என்று ஒரு பிரச்சாரம் அவிழ்த்துவிடப்பட்டுள்ளது. ஆனால், இதை ஹிலாரி மறுத்துள்ளார்.ஹிலாரிக்கும் அவரது உதவியாளரான ஹூமா அபுதினுக்கும் இடையே லெஸ்பியன் உறவு இருப்பதாக வதந்தி பரவியுள்ளது.
இது குறித்து கருத்து தெரிவித்துள்ள ஹிலாரி, என்னைப் பற்றி என்னென்னவோ புரளியை பரப்புகிறார்கள். உண்மையைச் சொன்னால் அதைப் பற்றி நான் கவலைப்படுவதில்லை. நான் லெஸ்பியன் என்று சொல்லப்படுவதில் உண்மையும் இல்லை. ஆனால், அப்படிச் சொல்பவர்களை என்னால் கட்டுப்படுத்தவும் முடியாது.
எப்போதும் ஹிலாரியுடனேயே இருக்கும் ஹூமா பற்றி பல்வேறு கதைகள் உலா வருகின்றன. அவர் லெபனானைச் சேர்ந்தவர், ஜோர்டானைச் சேர்ந்தவர், ஈரானைச் சேர்ந்தவர்கள், 26 வயதிருக்கும்.. இல்லை இல்லை 36 வயதானவர். அவர் கிளின்டனுடன் தான் வசிக்கிறார்.
அவருக்கு திருமணமாகிவிட்டது, இரண்டு குழந்தைகள் உள்ளனர் என ஏகப்பட்ட விஷயங்கள் கிசுகிசு பாணியில் உலா வந்து கொண்டிருந்தன.
இந் நிலையில் அவர் இந்திய தந்தைக்கும் பாகிஸ்தான் தாய்க்கும் பிறந்தவர் என்ற விவரம் வெளியாகியுள்ளது. அமெரிக்காவில் பிறந்த ஹூமா சிறு வயதிலேயே செளதிக்கு தனது பெற்றோருடன் இடம் பெயர்ந்துவிட்டாராம். சில ஆண்டுகளுக்கு முன்னர் தான் அமெரிக்காவுக்குத் திரும்பி ஜார்ஜியா வாஷிங்டன் பல்கலைக்கழகத்தில் படித்தார்.
படிப்பை முடித்துவிட்டு ஹிலாரியின் உதவியாளராக பணிக்குச் சேர்ந்தார்.
இந் நிலையில் தேர்தலில் ஹிலாரி போட்டியிட, அவருக்கு வெற்றி வாய்ப்பும் அதிகமாகி வரும் நிலையில் எதிர்க் கட்சி தரப்பில் ஹூமாவையும் ஹிலாரியையும் இணைத்து இந்தப் புரளி கிளப்பிவிடப்பட்டுள்ளது.