முதல் அமைச்சராக தகுதியானவர் ஸ்டாலின் - நெப்போலியன்

திருநெல்வேலி: முதலமைச்சராகப் பொறுப்பேற்கும் முழுத் தகுதியும் அமைச்சர் மு.க.ஸ்டாலினுக்கு உள்ளது என்று நடிகர் நெப்போலியன் கூறினார்.

திமுக இளைஞரணி மாநாட்டில் கலந்து கொள்ள நெல்லை வந்த நடிகர் நெப்போலியன் நிருபர்களிடம் கூறுகையில், நெல்லையில் நடைபெறும் திமுக இளைஞரணி மாநாட்டுக்காக அமைச்சர் ஸ்டாலின் பல மாவட்டங்களுக்கு சென்று அனைவரையும் திரட்டியுள்ளார்.

முற்றிலும் இளைஞர்களே இதில் பேசுகின்றனர். கம்பன் வீட்டு கட்டுத் தறியும் கவி பாடும் என்பதை நிருபிக்கும் மாநாடு இது. இளைஞர்களுக்கு இந்த மாநாடு திருப்புமுனையாக அமையும். இந்தியாவில் உள்ள அனைத்து கட்சியினருக்கும் முன் மாதிரியாக விளங்கும். இந்த மாநாட்டிற்காக தொண்டர்கள் அரும் பாடுபட்டுள்ளனர்.

முதலமைச்சராக அறிவிக்க அனைத்து தகுதிகளும் பெற்றவர் ஸ்டாலின் என்றார் நெப்போலியன்.