மதுரை பாஸ்போர்ட் அலுவலகம் செயல்பட துவங்கியது

மதுரை: மதுரையில் அமைக்கப்பட்டுள்ள தென் மாவட்டங்களுக்கான பாஸ்போர்ட் அலுவலகம் முறைப்படி இன்று செயல்படத் துவங்கியது.

மதுரை, ரேஸ்கோர்ஸ் பகுதியில் மதுரை உட்பட 8 மாவட்டங்களுக்கான பாஸ்போர்ட் அலுவலகம் கட்டி முடிந்து திறப்பு விழாவுக்காக காத்துக் கொண்டிருந்தது.

கடந்த 15ம் தேதியன்று மத்திய உள்துறை அமைச்சர் பிரணாப் முகர்ஜியால் திறக்கப்படவிருந்த இந்த அலுவலகம், அவர் வருகை தாமதமானதால் திறப்பு விழாவும் தாமதமானது.

ஒரு அமைச்சருக்காக மக்கள் சேவையை முடக்குவதா என்று எதிர்ப்பு கிளம்பியதை அடுத்து, மத்திய அமைச்சரின் வருகைக்கு காத்திராமல் இன்று காலை பாஸ்போர்ட் அலுவலகம் திறக்கப்பட்டது.

தென் மாவட்டங்களுக்காக திறக்கப்பட்ட இந்த பாஸ்போர்ட் அலுவலகம் திறக்கப்பட்ட முதல் நாளிலேயே பாஸ்போர்ட் கேட்டு 300 பேர் விண்ணப்பித்துள்ளனர்.