குஜராத்தில் இன்று பாஜக எம்.எல்.ஏக்கள் கூட்டம்
அகமதாபாத்: குஜராத் மாநில சட்டசபைக்குப் புதிதாக தேர்ந்தெடுக்கப்பட்டுள்ள பாஜக எம்.எல்.ஏக்கள் கூட்டம் இன்று அகமதாபாத்தில் நடைபெறுகிறது. அப்போது நரேந்திர மோடி, சட்டசபைக் கட்சித் தலைவராக முறைப்படி தேர்வு செய்யப்படுகிறார்.
குஜராத் சட்டசபைக்கு நடந்த தேர்தலில் பாஜக அமோக வெற்றி பெற்றது. பாஜகவுக்கு 117 தொகுதிகளில் வெற்றி கிடைத்துள்ளது. இதன் மூலம் 4வது முறையாக தொடர்ந்து பாஜக ஆட்சி அமைக்கிறது. 3வது முறையாக நரேந்திர மோடி முதல்வராகிறார்.
இந்த நிலையில் புதிதாக தேர்ந்தெடுக்கப்பட்ட பாஜக எம்.எல்.ஏக்களின் கூட்டம் இன்று அகமதாபாத்தில் நடக்கிறது. அப்போது நரேந்திர மோடி கட்சியின் சட்டசபை தலைவராக முறைப்படி தேர்வு செய்யப்படுகிறார்.
அதன் பின்னர் ஆளுநர் நவல் கிஷோர் சர்மாவை சந்தித்து அந்த முடிவை பாஜக தெரிவிக்கும். இதைத் தொடர்ந்து மோடியை அரசமைக்குமாறு ஆளுநர் அழைப்பு விடுப்பார்.