ஹஜ்: வாகன விபத்தில் சிறுவன் பலி

அபுதாபி: ஹஜ் பயணம் செய்து திரும்பிக் கொண்டிருந்த யாத்ரீகர்கள் பேருந்து மீது லாரி மோதியதில் சிறுவன் உயிரிழந்தான். 37 பேர் படுகாயம் அடைந்தனர்.

அபுதாபி அருகே இந்த விபத்து நடந்தது. இதில் பஸ்சின் டிரைவர் இருக்கைக்கு பின்னால் அமர்ந்திருந்த 12 வயது சிறுவன் பரிதாபமாக இறந்தார். டிரைவர் உட்பட பேருந்தில் சென்ற 37 பயணிகளும் படுகாயம் அடைந்தனர்.

உயிருக்கு ஆபத்தான நிலையில் இருந்த பேருந்தின் டிரைவர் மற்றும் 2 பயணிகள் ஹெலிகாப்டர் மூலம் மருத்துவமனைக்கு அழைத்துச் செல்லப்பட்டனர். மற்ற பயணிகள் அனைவரும் ஆம்புலன்சில் மருத்துவமனைக்கு கொண்டு செல்லப்பட்டனர்.

பேருந்தில் இருந்த அனைவரும் ஷார்ஜாவை சேர்ந்தவர்கள்.