டாடா காருக்கு போட்டியாக மாருதி கார் விலை குறைப்பு

டெல்லி: டாடா நிறுவனத்தின் 1 லட்ச ரூபாய் விலையுள்ள காருக்கு போட்டியாக மாருதி நிறுவனம் தனது 800 மாடல் காரின் விலையைக் குறைக்க திட்டமிட்டுள்ளது.

நடுத்தர மக்கள் அனைவரும் காரை பயன்படுத்தும் விதமாக டாடா நிறுவனம் ரூ.1 லட்சம் மதிப்புள்ள காரை 2008ம் ஆண்டு அறிமுகப்படுத்த திட்டமிட்டுள்ளது. இந்த கார் சந்தைக்கு வந்துவிட்டால் தற்போதுள்ள சிறிய ரக கார்களின் விற்பனை வெகுவாக பாதிக்கப்படும் என அனைத்து கார் தயாரிப்பு நிறுவனங்களும் கடும் பீதியில் உள்ளன.

இதை சமாளிக்கும் விதமாக மாருதி நிறுவனம் தனது கார்களின் விலைகளை குறைக்க திட்டமிட்டுள்ளது.

மாருதி எம்-800 காரின் விலை தற்போது ரூ. 1,92,124 ஆக உள்ளது. இதன் விலை குறையும் என எதிர்பார்க்கப்படுகிறது.

மேலும் டாடா நிறுவனம் தவிர ரெனால்ட், ஜெனரல் மோட்டார்ஸ் மற்றும் ஹூண்டாய் மோட்டார்ஸ் ஆகிய நிறுவனங்களும் சிறிய ரக காரை குறைந்த விலையில் தயாரிக்க திட்டமிட்டுள்ளது மாருதி நிறுவனத்திற்கு கடும் பீதியை தந்துள்ளது.