குணமடைந்து டிஸ்சார்ஜ் ஆனார் குமாரசாமி

பெங்களூர்: நெஞ்சு வலியால் மருத்துவமனையில் அனுமதிக்கப்பட்டிருந்த கர்நாடக முன்னாள் முதல்வர் குமாரசாமி உடல் நலம் சரியாகி வீடு திரும்பினார்.

குமாரசாமிக்கு கடந்த 10ம் தேதி உடல் நலம் பாதிக்கப்பட்டது. மூச்சுத்திணறலும், நெஞ்சு வலியும் ஏற்பட்டது. இதனையடுத்து அவர் பெங்களூரில் உள்ள ஒக்கஹார்ட் மருத்துவமனையில் சிகிச்சைக்காக
அனுமதிக்கப்பட்டார்.

அங்கு அவரை பரிசோதித்த டாக்டர்கள் இருதயத்தில் உள்ள ரத்தக் குழாயில் அடைப்பு ஏற்பட்டிருப்பதால் பைபாஸ் சர்ஜரி முடிவெடுத்தனர். இதைத்தொடர்ந்து அறுவைச் சிகிச்சையும் நடந்தது.

அதன் பின்னர் மருத்துவமனையில் ஓய்வெடுத்து வந்த குமாரசாமி நேற்று பரிபூரணமாக குணமடைந்து வீடு திரும்பினார்.