தங்கம் விலை வரலாறு காணாத உயர்வு-கிராம் விலை ரூ.1015 !!

சென்னை: சென்னையில் தங்கம் விலை இதுவரை இல்லாத அளவுக்கு கிடுகிடுவென உயர்ந்துள்ளது. மேலும் விலை உயர்வு இருக்கும் என நகை வியாபாரிகள் தெரிவித்துள்ளனர்.

சர்வதேச சந்தையில் கச்சா எண்ணையின் விலை உயர்வால் உலக அளவில் பல பாதிப்புகள் ஏற்பட்டு வருகின்றன. அதில் ஒன்றாக தங்கத்தின் விலை உலக அளவில் வானுயரத்திற்கு உயர்ந்து வருகிறது.

சென்னையில் இதுவரை இல்லாத அளவாக கிராம் தங்கம் ரூ. 1000த்தைத் தாண்டியுள்ளது. இன்று கிராம் தங்கம் ரூ. 1015க்கு விற்கப்படுகிறது. ஒரு பவுன் தங்கம் ரூ. 8072க்கு விற்பனையாகிறது.

24 கேரட் சுத்த தங்கம் 10 கிராமுக்கு ரூ. 11,080 ஆக உள்ளது. தங்கத்தின் விலை பெருமளவுக்கு உயர்ந்திருப்பதால் வாடிக்கையாளர்கள் பெரும் அதிர்ச்சி அடைந்துள்ளனர்.

தங்கத்தின் விலை சர்வதேச அளவில் உயர்ந்து வருவதால்தான் சென்னையிலும் விலை உயர்வு காணப்படுவதாக கூறும் தங்க நகை வியாபாரிகள், இந்த விலை உயரவு சில நாட்களுக்கு நீடிக்கும் எனவும் கூறுகின்றனர்.

சர்வதேச சந்தையில் கச்சா எண்ணெயின் விலை பேரலுக்கு 100 டாலராக உள்ளது என்பது குறிப்பிடத்தக்கது.