இயக்குநர் மனோஜ்குமார் அதிமுகவிலிருந்து நீக்கம்

சென்னை: திரைப்பட இயக்குநரும், இயக்குநர் பாரதிராஜாவின் மைத்துனருமான மனோஜ்குமார் அதிமுகவிலிருந்து நீக்கப்பட்டார்.

மண்ணுக்குள் வைரம், குரு பார்வை உள்ளிட்ட பல்வேறு படங்களை இயக்கியவர் மனோஜ்குமார். சில படங்களையும் தயாரித்துள்ளார். இயக்குநர் பாரதிராஜாவின் மைத்துனரான மனோஜ்குமார் அதிமுகவில் இருந்து வந்தார்.

அவரை இன்று முதல் கட்சியிலிருந்து நீக்கி வைப்பதாக அதிமுக பொதுச் செயலாளர் ஜெயலலிதா அறிவித்துள்ளார்.

இதுதொடர்பாக அவர் விடுத்துள்ள அறிக்கையில், கட்சிக் கட்டுப்பாட்டை மீறி நடந்து கொண்டு கட்சிக்கு களங்கத்தையும், அவப்பெயரையும் ஏற்படுத்தும் வகையில் செயல்பட்ட மனோஜ்குமார் கட்சியின் அடிப்படை உறுப்பினர் உள்ளிட்ட பொறுப்புகளிலிருந்து நீக்கி வைக்கப்படுவதாக ஜெயலலிதா அறிவித்துள்ளார்.

முக்குலத்தோர் சமூகத்தைச் சேர்ந்த மனோஜ்குமார் சசிகலா ஆதரவாளர் என்பது குறிப்பிடத்தக்கது.