எம்.ஜி.ஆரின் வாரிசு ஜெயலலிதா தான்-அதிமுக எம்பி
கோபிச்செட்டிபாளையம்: எம்.ஜி.ஆர். தனது வாழ்வில் வாரிசு என அச்சாரம் கொடுத்தார் என்றால் அவர் ஜெயலலிதாவுக்கு மட்டும் தான் என அதிமுக ராஜ்யசபா எம்.பி. கோவிந்தராஜர் கூறியுள்ளார்.
எம்.ஜி.ஆரின் பிறந்த நாள் விழாவில் கலந்து கொண்டு அவர் பேசியதாவது,
மறைந்த முதல்வர் எம்.ஜி.ஆர். தமது வாழ்வில் வாரிசு என அச்சாரம் கொடுத்தால் என்றால் அவர் ஜெயலலிதா தான்.
மின்னுவதெல்லாம் பொன்னல்ல. அரிதாரம் பூசி நடிக்கும் நடிகரெல்லாம் எம்.ஜி.ஆர். ஆக முடியாது. கருணாநிதி தலைமையில் திருமணம் செய்த விஜயகாந்துக்கு எம்.ஜி.ஆரின் பெயரைச் சொல்ல என்ன தகுதி இருக்கிறது.
எம்.ஜி.ஆர். பெயரை சொல்ல முடியாத விஜயகாந்த் அவரைப் போல் ஆட்சியை பிடிக்க ஆசைப்படுகிறார். ஆட்சியை அவர் பிடிப்பது கனவில் மட்டும் தான் என்பதை மக்கள் நன்றாக உணர்ந்து கொண்டு அதிமுக ஆட்சி தான் வேண்டும் என தெரிந்து கொண்டுள்ளனர் என்றார்.