மணப்பாறை ஜல்லிக்கட்டில் 57 பேர் காயம்

மணப்பாறை: திருச்சி அருகே மணப்பாறையில் நடந்த ஜல்லிக்கட்டு நிகழ்ச்சியில் மாடுகள் முட்டி 57 பேர் காயமடைந்தனர்.

மணப்பாறை கருங்குளத்தில் இந்த ஜல்லிக்கட்டு நடந்தது. இதில் மாடு பிடிக்க வந்தவர்களில் 57 பேருக்கு காயம் ஏற்பட்டது.

இதில் 15 பேருக்கு பலத்த காயம் ஏற்பட்டதையடுத்து மருத்துவமனையில் சேர்க்கப்பட்டு சிகிச்சை அளிக்கப்பட்டது. மற்றவர்களுக்கு ஜல்லிக்கட்டு முகாமிலேயே அமைக்கப்பட்டிருந்த முதலுதவி பிரிவில் சிகிச்சை தரப்பட்டது.