'நானோ' வாங்க கடன் தரும் டாடா!
மும்பை: ரூ. 1 லட்சம் விலை கொண்ட நானோ கார்களை வாங்க, வாடிக்கையாளர்களுக்கு டாடா நிறுவனமே கடனுதவி செய்யவும் திட்டமிட்டுள்ளதாம்.
செப்டம்பர் மாதம் முதல் இது விற்பனைக்கு வரவுள்ளது. இதற்கான புக்கிங் ஏப்ரல் மாதம் தொடங்கும் எனத் தெரிகிறது. இந்த நிலையில் இந்த வகை கார்களை வாங்க விரும்புவோருக்கு டாடா நிறுவனமே குறைந்த வட்டிக்கு கடனுதவியையும் அளிக்கத் திட்டமிட்டுள்ளதாம்.
இந்த வட்டி, மோட்டார் சைக்கிள் வாங்க அளிக்கப்படும் கடன்கள் மீதான வட்டிக்கு சற்றே அதிகமாகவும், அதேசமயம் சாதாரண கார்களுக்கு விதிக்கப்படும் வட்டிக்கு சிறிது குறைவாகவும் இருக்குமாம்.
நடுத்தர மக்கள் ஏற்றுக் கொள்ளும் வகையில், டாடா மோட்டார்ஸ் பைனான்ஸ் நிறுவனத்தின் மூலம் குறைந்த வட்டிக்கு கடன் உதவி அளிக்க திட்டமிடப்பட்டுள்ளதாம்.
மேலும் ஐ.சி.ஐ.சி.ஐ, ஸ்டேட் பாங்க், எச்.டி.எப்.சி வங்கி போன்றவற்றுடனும் நானோ கார் கடன் திட்டம் குறித்து டாடா விவாதித்து வருகிறது.
முதலாண்டில் 65,000 கார்களையும் அடுத்த ஆண்டில் 1.8 லட்சம் கார்களையும் அதற்கு அடுத்த ஆண்டு முதல் ஆண்டுக்கு 2.10 லட்சம் கார்களையும் தயாரித்து விற்க டாடா திட்டமிட்டுள்ளது.