For Daily Alerts
Just In
மு.க. அழகிரி பிறந்த நாள்: 57 ஜோடிகளுக்கு இலவச கல்யாணம்
மதுரை: முதல்வர் கருணாநிதியின் மகன் மு.க.அழகிரியின் 57வது பிறந்த நாளையொட்டி மதுரையில் நேற்று மதுரை மாவட்ட திமுக சார்பில் 57 ஏழை ஜோடிகளுக்கு இலவச கல்யாணம் செய்து வைக்கப்பட்டது.
தல்லாகுளம் பிரசன்ன வெங்கடேச பெருமாள் கோவில் மைதானத்தில் இதற்காக போடப்பட்டிருந்த பிரமாண்ட பந்தலில் இந்த இலவசக் கல்யாணம் நடந்தது.
மு.க.அழகிரி நேரில் கலந்து கொண்டு அனைத்து மணமகன்களுக்கும் தாலி எடுத்துக் கொடுத்து கல்யாணத்தை நடத்தி வைத்தார்.
நிகழ்ச்சியில் ஏராளமான திமுக முன்னணியினர், நிர்வாகிகள், பெரும் திரளான தொண்டர்கள் கலந்து கொண்டனர்.
ஒவ்வொரு ஜோடிக்கும் குடும்பத்திற்குத் தேவையான பொருட்கள், பரிசுப் பொருட்கள் உள்ளிட்டவையும் வழங்கப்பட்டன.
Comments
Story first published: Saturday, February 2, 2008, 10:14 [IST]