பாஜகவில் மீண்டும் சேர மாட்டேன்-உமா பாரதி

சட்னா (மத்திய பிரதேசம்): பாஜகவில் மீண்டும் சேர மாட்டேன் என பாரதீய ஜன்சக்தி தலைவர் உமா பாரதி திட்டவட்டமாகத் தெரிவித்துள்ளார்.

விரைவில் மத்தியப் பிரதேசத்தில் சட்டப் பேரவை தேர்தல் நடக்கவுள்ள நிலையில் உமா மீண்டும் பாஜகவில் சேரவுள்ளதாக கூறப்பட்டது. ஆனால், இதை உமா மறுத்துள்ளார்.

அவர் கூறுகையில்,

பாஜகவில் வாஜ்பாய், அத்வானி பேச்சைக் கேட்கவே ஆளில்லை. மேலும் இந்துத்வாவையும் பாஜக கைவிட்டு நெடுநாட்களாகிவிட்டன. மக்களுக்கு தரப்பட்ட உறுதிமொழிகளை பாஜக நிறைவேற்றாமல் ஏமாற்றிவிட்டது.

என்னை மத்தியப் பிரதேச முதல்வர் பதவியில் இருந்து திட்டமிட்டு சதி செய்து நீக்கினர். பின்னர் வேறு வழியில்லாமல் முதல்வர் பதவிக்கான வேட்பாளராக என்னை அறிவித்து தேர்தல் சந்தித்தனர் என்றார் உமா.