சென்னைக்கு வரும் எதிஹட் ஏர்வேஸ்

துபாய்: அபுதாபியைச் சேர்ந்த எதிஹட் ஏர்வேஸ் நிறுவனம் சென்னை உள்பட மேலும் நான்கு இந்திய நகரங்களுக்கு தனது சேவையை விரிவுபடுத்துகிறது.

இதுதொடர்பாக ஐக்கிய அரபு எமிரேட்ஸ் அரசுக்கும், இந்திய அரசுக்கும் இடையே பேச்சுவார்த்தை நடந்தது. அதன் இறுதியில் சென்னை, ஜெய்ப்பூர், கொல்கத்தா, கோழிக்கோடு ஆகிய நான்கு நகரங்களுக்கு எதிஹாட் ஏர்வேஸ் தனது விமான சேவையை மேற்கொள்ளும் என அறிவிக்கப்பட்டுள்ளது.

இந்த விமான சேவை எந்தெந்த தினங்களில், எந்த நேரங்களில் மேற்கொள்ளப்படும் என்பது குறித்து தற்போது எதிஹட் ஏர்வேஸ் நிறுவனம் ஆலோசனையில் ஈடுபட்டுள்ளது.