2வது போலியோ சொட்டு மருந்து முகாம்

சென்னை: இந்தியா முழுவதும் இன்று 5 வயதுக்குட்பட்ட குழந்தைகளுக்கு 2வது கட்ட போலியோ சொட்டு மருந்து வழங்கப்பட்டது.

தேசிய தடுப்பூசி தினமான இன்று இந்தியாவில் உள்ள ஐந்து வயதுக்குட்பட்ட அனைத்து குழந்தைகளுக்கும் இலவசமாக போலியோ சொட்டு மருந்து வழங்கப்படுகிறது. இன்றைய முகாம் 2வது கட்ட போலியோ மருந்து வழங்கும் நிகழ்ச்சி ஆகும்.

இதையொட்டி தமிழகத்திலும் இன்று சிறப்பு ஏற்பாடுகள் செய்யப்பட்டிருந்தன. விமான நிலையங்கள், ரயில் நிலையங்கள், பேருந்து நிலையங்கள், மக்கள் நடமாட்டம் உள்ள பகுதிகள், பொது இடங்கள், அரசு மருத்துவமனைகள், அரசு ஆரம்ப சுகாதார மையங்கள் உள்ளிட்ட இடங்களில் இதற்கான ஏற்பாடுகள் செய்யப்பட்டிருந்தன.