நாளை இந்தியா வரும் ரஷ்ய பிரதமர்

டெல்லி: ரஷ்யப் பிரதமர் விக்டர் சுப்கோவ் நாளை (செவ்வாய்க்கிழமை) இரண்டு நாள் பயணமாக இந்தியா வருகிறார்.

இரு நாட்டு உறவுகள், ராணுவ உதவி, அணு சக்தி உள்ளிட்ட பல்வேறு விவகாரங்கள் குறித்து அவர் பிரதமர் மன்மோகன் சிங் மற்றும் அமைச்சர்களுடன் ஆலோசனை நடத்துகிறார்.

இந்த ஆண்டை இந்தியாவில் ரஷ்ய ஆண்டாக அந் நாட்டு அரசு கொண்டாடுகிறது. இந்த கொண்டாட்டங்களையும் சுப்கோவ் துவக்கி வைக்கவுள்ளார்.

இந்தியாவுக்கு ரஷ்யா வழங்கவுள்ள விமானம் தாங்கிக் கப்பலான அட்மிரல் கோர்க்ஸ்கோவை வாங்குவதில் நீடித்து வரும் சிக்கல்களை சுப்கோவின் பயணம் தீர்க்கும் என்றும் தெரிகிறது. இந்தக் கப்பலை குறைந்த விலைக்குத் தர ரஷ்யா தயாராக இருந்தது.

ஆனால், பின்னால் இதன் விலையை பல மடங்கு உயர்த்திவிட்டது. இந்த விலை உயர்வை இந்தியா ஏற்கவில்லை. இதனால் பிரச்சனை நிலவி வருகிறது.