டிவி ஆபாசம்: பாமக மகளிர் சங்கம் போராட்டம்

சென்னை: தமிழ் தொலைக்காட்சிகளில் நடந்து வரும் பண்பாட்டுச் சீரழிவு, ஆபாசம் உள்ளிட்டவற்றைக் கண்டித்து சென்னையில் பாமக மகளிர் சங்கம் சார்பில் ஆர்ப்பாட்டம் நடத்தப்பட்டது.

சமீபத்தில் நடந்த சட்டசபைக் கூட்டத்தில் கலைஞர் டிவி டிவியில் ஒளிபரப்பாகும் நிகழ்ச்சிகளில் நடிகைகள் ஆபாசமாக உடை அணிந்து வருவது குறித்து பாமக கடும் வாக்குவாதத்தில் ஈடுபட்டது. அப்போது நடிகைகள் நமீதா, ஷ்ரியா ஆகியோர் ஆபாசமாக உடை அணிந்து வரவிலலை என்று ஆற்காடு வீராசாமி உள்ளிட்ட அமைச்சர்கள் பேசினர்.

இந்த நிலையில் தமிழ்த் தொலைக்காட்சிகளில் நடந்து வரும் பண்பாட்டுச் சீரழிவு, ஆபாசம் உள்ளிட்டவற்றைக் கண்டித்து சென்னையில் பாமக மகளிர் சங்கம் சார்பில் இன்று ஆர்ப்பாட்டம் நடந்தது.

சேப்பாக்கத்தில் உள்ள அரசினர் விருந்தினர் மாளிகை நடந்த இந்த ஆர்ப்பாட்டத்திற்கு மகளிர் சங்கத் தலைவர் நிர்மலா தலைமை தாங்கினார். பாமக தலைவர் ஜி.கே.மணி, எம்.பி. ஏ.கே.மூர்த்தி உள்ளிட்டோர் கலந்து கொண்டனர்.

ஜி.கே.மணி பேசுகையில் திரைப்படங்களில் ஆபாசம் உள்ளிட்டவற்றைத் தடுக்க தணிக்கைக் குழு உள்ளது. அதேபோல டிவி நிகழ்ச்சிகளையும் தணிக்கை செய்ய தணிக்கைக் குழு கொண்டு வரப்பட வேண்டும் என்றார்.