நெருக்கும் மைக்ரோசாப்ட்-ஓடும் யாகூ

சான் பிரான்சிஸ்கோ: தன்னை விழுங்க முனையில் மைக்ரோசாப்டின் நெருக்கடியில் இருந்து தப்ப உலகின் மிகப் பெரிய தொலைக்காட்சி-மீடியா-எண்டெர்டெயின்மெண்ட் நிறுவனமான நியூஸ் கார்ப்பரேசனுடன் கைகோர்க்க யாகூ முயன்று வருகிறது.

கூகுளுடன் போட்டி போட முடியாமல் திணறி வரும் யாகூவை கைப்பற்ற மைக்ரோசாப்ட் முயன்று வருகிறது. அதன் பங்குதாரக்களுக்கு ஒரு பங்குக்கு 34 டாலர் வரை தர மைக்ரோசாப்ட் முன் வந்துள்ளது. இதன்மூலம் ரூ.1.7 லட்சம் கோடி செலவிட்டு யாகூவை வாங்கிட மைக்ரோசாப்ட் முயன்று வருகிறது.

ஆனால், இந்த விலை குறைவானது என்று கூறி அதை ஏற்க யாகூ மறுத்து வருகிறது. மேலும் மைக்ரோசாப்டிடம் இருந்து தப்ப மற்ற நிறுவனங்களுடன் பேச்சுவார்த்தையை துவக்கியுள்ளது யாகூ.

இந் நிலையில் ருப்பெர்ட் முர்டாச் தலைமையிலான உலகின் மிகப் பெரிய மீடியா நிறுவனமான நியூஸ் கார்பரேசன் (இது தான் பாக்ஸ் நெட்வோர்க் தொலைக்காட்சிகள், பாக்ஸ் திரைப்பட தயாரிப்பு நிறுவனம், நேசனஸ் ஜியாக்ரபிக்ஸ் உள்ளிட்ட நிறுவனங்களையும் உலகின் பல நாடுகளிலும் முன்னணி நாளிதழ்கள், வார இதழ்களை நடத்தி வருகிறது) நிறுவனத்துடன் யாகூ ரகசியமாக பேச்சு நடத்த ஆரம்பித்துள்ளது.

மைஸ்ேபஸ் உள்ளிட்ட பல இன்டர்நெட் தளங்களையும் நடத்தி வரும் நியூஸ் கார்பரேசன் இதுவரை யாகூவுக்கு சாதகமான பதிலைத் தரவில்லை என்றாலும் பேச்சுவார்த்தை தொடர்ந்து வருவதாக தகவல்கள் வருகின்றன.

இதன்படி யாகூவின் 20 சதவீத பங்குகளை ருப்பெர்ட் முர்டாச் வாங்கலாம் என்கிறார்கள்.