துபாய்-94வது மாடியில் 12 மில்லியனுக்கு ஏலம் போன அலுவலகம்!

துபாய்: உலகிலேயே மிக உயரமான கட்டடம் என்ற பெருமை கொண்ட பர்ஜ் துபாய் (Burj Dubai) கட்டடத்தின் 94வது தளம், 12 மில்லியன் டாலருக்கு ஏலம் போயுள்ளது.

துபாயில் கட்டப்பட்டு வரும் பிரமாண்ட கட்டடம்தான் பர்ஜ் துபாய். 159 மாடிகளைக் கொண்டதாக இந்த கட்டடம் வளரப் போகிறது. இன்னும் கட்டப்பட்டுக் கொண்டிருக்கிறது.

இந்த கட்டடத்தின் மாடிகள், இனையதளம் மூலம் ஏலம் விடப்படுகின்றன. இந்த நிலையில், 11,000 சதுர அடி பரப்பளவு கொண்ட 94வது மாடி, 12 மில்லியன் டாலருக்கு ஏலம் போயுள்ளது.

ஐரோப்பாவைச் சேர்ந்த ஒருவர் இந்த தளத்தை ஏலத்தில் எடுத்துள்ளார். துபாயைச் சேர்ந்த Eqarat.com என்கிற ஆன்லைன் ரியல் எஸ்டேட் நிறுவனம் இந்த ஏலத்தை நடத்தியது.

நிறுவனத்தின் தலைமை செயல் அதிகாரி அலி அல் ரஹ்மா கூறுகையில், துபாயில் சொத்து வாங்கு முன்பு போல கடினமானதல்ல. தற்போது போட்டிகள் அதிகரித்துள்ளன என்றார்.