யு.கே. எம்பிஏவை திருச்சியில் படிக்கலாம்!
திருச்சி: இங்கிலாந்தின் நாட்டிங்காம் டிரென்ட் பல்கலைக்கழகம் வழங்கும் எம்.பி.ஏ படிப்பை, திருச்சியில் உள்ள ஜெனிசிஸ் பிசினஸ் பள்ளி வழங்கவுள்ளது. அடுத்த ஆண்டு முதல் நாட்டிங்காம் பல்கலைக்கழக எம்.பி.ஏ படிப்பை திருச்சியிலேயே படிக்க முடியும்.
இதுகுறித்து சிங்கப்பூரைச் சேர்ந்த ரேபிள்ஸ் கல்விக் குழும தலைவர் காலின் பெரேரா கூறுகையில், ரேபிள்ஸ் கல்விக் குழுமத்துடன் இணைந்து ஜெனிசிஸ் பிசினஸ் பள்ளி நாட்டிங்காம் டிரென்ட் பல்கலைக்கழக எம்.பி. ஏ படிப்பை வழங்கவுள்ளது.
அடுத்த கல்வி ஆண்டு முதல் இத்திட்டம் அமலுக்கு வருகிறது. முதல் ஆறு மாதங்களுக்கு ஜெனிசிஸ் பிசினஸ் பள்ளியில் வகுப்புகள் நடைபெறும். மீதமுள்ள கால படிப்பு, சிங்கப்பூரில் உள்ள ரேபிள்ஸ் நிறுவனத்தில் நடத்தப்படும்.
60 சதவீதத்திற்கு மேல் மதிப்பெண்கள் பெறும் மாணவர்களுக்கு சிங்கப்பூரில் உள்ள பன்னாட்டு நிறுவனங்களில் பயிற்சிக்கு வாய்ப்பு ஏற்படுத்தித் தரப்படும் என்றார்.