சிவாஜி ரசிகர்கள் திடீர் போராட்டம்-கைது

சென்னை: நடிகர் திலகம் சிவாஜி கணேசன் ரசிகர் மன்றம் சார்பில் முன்னணி தமிழ் வார இதழ் அலுவலகம் முன்பு இன்று மறியல் போராட்டம் நடத்தப்பட்டது. இதையடுத்து அனைவரும் கைது செய்யப்பட்டு பின்னர் விடுவிக்கப்பட்டனர்.

தமிழ் வார இதழ் ஒன்றில் சிவாஜி கணேசன் குறித்த வந்த செய்தி, அவரது நற்பெயருக்கும், குடும்பத்திற்கும் களங்கம் விளைவிப்பதாக இருப்பதாக கூறி இன்று காலை அந்த வார இதழின் அலுவலகம் முன்பு சிவாஜி ரசிகர் மன்றத்தைச் சேர்ந்த 20க்கும் மேற்பட்டோர் திடீர் மறியலில் ஈடுபட்டனர்.

இதனால் அங்கு பரபரப்பு ஏற்பட்டது. இதையடுத்து போலீஸார் விரைந்து வந்து அனைவரையும் கைது செய்தனர். பின்னர் அவர்கள் விடுவிக்கப்பட்டனர்.