திருச்சூர், மங்களூரில் சன் டிவி எப்.எம். ரேடியோ

சென்னை: சன் டிவியின் குழுமத்திலிருந்து புதிதாக இரு எப்.எம். ரேடியோ நிலையங்கள் தொடங்கப்பட்டுள்ளன.

'எஸ்' எப்எம் என்ற பெயரிலான இந்த இரு ரேடியோ நிலையங்களும் மங்களூர் மற்றும் திருச்சூரில் ஆரம்பிக்கப்பட்டுள்ளன.

திருச்சூரில் இன்று இதன் சேவை தொடங்கியது. மங்களூரில் நாளை 'எஸ்' எப்.எம். தொடங்கப்படுகிறது.

இந்த இரு நிலையங்களையும் சேர்த்து சன் குழுமத்தின் மொத்த எப்.எம். நிலையங்களின் எண்ணிக்கை 24 ஆக உயர்ந்துள்ளது.

ஏற்கனவே சூரியன் எப்.எம். என்ற பெயரில் சென்னை, மதுரை, கோவை, நெல்லை, தூத்துக்குடி, திருச்சி, புதுச்சேரி ஆகிய நகரங்களிலும் மற்றும் பெங்களூர், ஹைதராபாத், ஜெய்ப்பூர், புவனேஸ்வர், திருப்பதி, லக்னோ, போபால், கோழிக்கோடு, இந்தூர், விஜயவாடா, வாரணாசி, ராஜமுந்திரி, கான்பூர், திருவனந்தபுரம் ஆகிய நகரங்களிலும் சன் குழுமத்தின் எப்.எம். ரேடியோக்கள் இயங்கி வருகின்றன.

நாடு முழுவதும் மொத்தம் 45 எப்.எம். ரேடியோ நிலையங்களை ஆரம்பிப்பதற்கான லைசென்ஸ் சன் குழுமத்திடம் உள்ளது குறிப்பிடத்தக்கது. நாட்டிலேயே அதிக அளவிலான எப்.எம். ரேடியோ நிலையங்களைக் கொண்டிருப்பது சன் டிவி குழுமம்தான்.