கார் விலை ரூ. 15,000 வரை குறைகிறது-பைக் விலையும் சரியும்

டெல்லி: சிறிய கார்கள் மீதான கலால் வரி 2 சதவீதம் குறைக்கப்பட்டுள்ளது.
மோட்டார் சைக்கிள்கள் மீதான வரி 4 சதவீதம் குறைக்கப்பட்டுள்ளது.

இதனால் கார்களின் விலை ரூ. 10,000 முதல் ரூ. 15,000 வரை குறையும். அதே போல பைக்குகளின் விலையும் குறையவுள்ளது.

2008-09ம் ஆண்டுக்கான மத்திய பட்ஜெட்டை நிதியமைச்சர் ப.சிதம்பரம் இன்று தாக்கல் செய்தார்.

அதில், இரு சக்கர வாகனங்கள் மீதான கலால் வரி 16 சதவீதத்திலிருந்து 12 சதவீதமாகக் குறைக்கப்பட்டுள்ளது. இதனால் பைக்குகள் விலை சில ஆயிரங்கள் குறையும்.

கார்கள் மீதான வரி 2 சதவீதம் குறைக்கப்பட்டுள்ளது. இந்த வரி குறைப்பால் சிறிய கார்களின் விலை ரூ. 10,000 முதல் ரூ. 15,000 வரை குறையும்.

அதே போல வயர்லெஸ் டேட்டா கார்ட் உள்ளிட்ட சில ஹார்ட்வேர் கருவிகள் மீதான கலால் வரியும், டிவி சேவைக்கு உதவும் செட்-டாப் பாக்ஸ்கள் மீதான சுங்க வரியும் குறைக்கப்பட்டு்ள்ளது.

சில மருந்துகளின் மொத்த கொள்முதலுக்கு சுங்க வரி 5 சதவீதம் குறைக்கப்பட்டுள்ளது. அதே நேரத்தில் அதிகபட்ச சுங்க வரி விதிப்பில் எந்த மாற்றமும் இல்லை.