ஸ்டாலின் பிறந்த நாள்: தலைவர்கள் வாழ்த்து

சென்னை: உள்ளாட்சித் துறை அமைச்சர் மு.க.ஸ்டாலின் இன்று தனது 56வது பிறந்த நாளைக் கொண்டாடினர். அவருக்கு முதல்வர் கருணாநிதி உள்ளிட்ட தலைவர்கள் வாழ்த்து தெரிவித்தனர்.

பிறந்த நாளையொட்டி வேளச்சேரியில் உள்ள அவரது இல்லத்திற்கு அமைச்சர்கள், பிற கட்சித் தலைவர்கள், தொண்டர்கள், அரசு அதிகாரிகள், காவல்துறை அதிகாரிகள் நேரில் வந்து வாழ்த்து தெரிவித்தனர்.

முன்னதாக கோபாலபுரம் இல்லம் சென்ற ஸ்டாலின் அங்கு முதல்வர் கருணாநிதியிடமும், தாயார் தயாளு அம்மாளிடமும் ஆசி பெற்றார்.

ஸ்டாலின் பிறந்த நாளை தமிழகம் முழுவதும் திமுகவினர் இன்று இளைஞர் எழுச்சி நாளாக கொண்டாடினர்.