ரஷ்யாவில் இன்று அதிபர் தேர்தல்

மாஸ்கோ: ரஷ்யாவில் இன்று (ஞாயிற்றுக்கிழமை) அதிபர் தேர்தல் நடக்கிறது.

1991ம் ஆண்டில் சோவியத் யூனியன் சிதறிய பிறகு நடக்கும் மூன்றாவது அதிபர் தேர்தல் இது. முதல் அதிபராக போரிஸ் எல்ட்சின் தேர்வானார்.

அவரைத் தொடர்ந்து விளாடிமி்ர் புடின் அதிபரானார். ரஷ்யாவின் மிகப் பிரபலமான அதிபராக இருந்து வரும் புடின் இரு முறை அதிபராக இருந்துவிட்டதால், அந் நாட்டு அரசியல் சட்டப்படி மூன்றாவது முறையாக போட்டியிட இயலாத நிலையில் உள்ளார்.

இதையடுத்து அவர் தனது வலதுகரமான துணை பிரதமர் டிமிட்ரி மெட்வடேவை களத்தில் நிறுத்தியுள்ளார். மக்கள் ஆதரவு நிறைந்த புடினின் ஆதரவு இருப்பதால் மெட்வடே தான் வெல்வார் என்று எதிர்பார்க்கப்படுகிறது.

புடின் கொண்டு வந்த பொருளாதார சீர்திருத்தங்களால் அந் நாட்டின் வளர்ச்சி படு வேகத்தில் இருப்பதும், மக்களின் வாழ்க்கைத் தரம் பல மடங்கு அதிகரித்துள்ளதும் குறிப்பிடத்தக்கது.

ஆனாலும், புடின் தனது அரசியல் எதிரிகளை பழைய சோவியத் ஸ்டைலிலேயே ஒடுக்கி வந்ததும் குறிப்பிடத்தக்கது.