புதுவை ஆளுநர் ராஜினாமா-எம்.பி. ஆகிறார்

புதுச்சேரி: புதுவை துணை நிலை ஆளுநர் முகுத் மித்தி இன்று தனது பதவியை ராஜினாமா செய்தார். அவர் ராஜ்யசபா தேர்தலில் போட்டியிடவுள்ளார்.

அருணாச்சல் பிரதேச மாநிலத்தைச் சேர்ந்தவர் முகுத் மித்தி. இவர் புதுச்சேரி மாநில துணை நிலை ஆளுநராக இருந்து வருகிறார்.

இந்த நிலையில் அருணாச்சல் பிரதேசத்திற்கு நடைபெறவுள்ள ராஜ்யசபா தேர்தலில் காங்கிரஸ் சார்பில் போட்டியிடுகிறார் மித்தி. இதையடுத்து தனது ஆளுநர் பதவியை இன்று மித்தி ராஜினாமா செய்தார்.

சமீபத்தில் மகாராஷ்டிர மாநில ஆளுநர் பதவியிலிருந்து எஸ்.எம். கிருஷ்ணா ராஜினாமா செய்தார். கர்நாடக அரசியலுக்கு அவர் திரும்புகிறார். அவரைத் தொடர்ந்து ஆளுநர் பதவியை ராஜினாமா செய்துள்ள 2வது காங்கிரஸ் தலைவர் மித்தி என்பது குறிப்பிடத்தக்கது.