தங்கம் விலை பயங்கரம்!

சென்னை: தங்கத்தின் விலை வரலாறு காணாத அளவுக்கு உயர்ந்துள்ளது. ஒரு பவுன் தங்கத்தின் விலை ரூ. 9640 ஆக உயர்ந்துள்ளது.

சர்வதேச சந்தையில் நிலவும் கச்சா எண்ணெய் விலை உயர்வு, பண வீக்கம் உள்ளிட்ட காரணங்களினால் தங்கத்தின் விலை சமீப காலமாக கிடுகிடுவென உயர்ந்து வருகிறது.

இன்றும் தங்கத்தின் விலையில் உயர்வு காணப்பட்டது. கிராமுக்கு 80 ரூபாய் விலை உயர்ந்தது. 8 கிராம் கொண்ட ஒரு பவுன் தங்கத்தின் விலை ரூ. 9640 ஆக இன்று இருந்தது.

ஒரு பவுன் தங்கத்தின் விலை 10 ஆயிரம் ரூபாய் இலக்ைக நோக்கி வேகமாக நகர்ந்து வருவது மக்களிடையே பெரும் பீதியையும், பயத்தையும் ஏற்படுத்தியுள்ளது. குறிப்பாக நடுத்தர வர்க்கத்தினர் தங்கம் வாங்க முடியுமா என்று ஏங்கத் தொடங்கியுள்ளனர்.

தூய தங்கத்தின் விலை 10 கிராமுக்கு ரூ. 13,170 ஆக இருந்தது.

வெள்ளியின் விலையிலும் உயர்வு காணப்பட்டது. ஒரு கிலோ வெள்ளியின் விலை ரூ. 25,255 ஆக இருந்தது. வெள்ளியின் விலையில் கிலோவுக்கு ரூ. 205 உயர்வு காணப்பட்டது.