ஐடிடிசியின் சென்னை-டார்ஜிலிங் 10 நாள் ரயில் டூர்

சென்னை: இந்திய சுற்றுலா வளர்ச்சி கழகம் சார்பில் 10 நாள் சுற்றுலாவாக கொல்கத்தா, டார்ஜிலிங் செல்ல ஏற்பாடு செய்யப்பட்டுள்ளது.

டூர் விவரம்:

சென்னை சென்ட்ரல் ரெயில் நிலையத்தில் இருந்து வாரந்தோறும் சனிக்கிழமை காலை 9 மணிக்கு சென்னை-அவுரா கோரமண்டல் எக்ஸ்பிரஸ் ரெயிலில் (2842) இந்த சுற்றுலா பயணம் தொடங்கும்.

ஞாயிற்றுக்கிழமை காலை 11.50 மணிக்கு அவுரா ரெயில் நிலையத்தை சென்றடையும். அன்று மாலை 5.35 மணிக்கு காமரூப் எக்ஸ்பிரஸ் ரெயிலில் புறப்படுதல். திங்கட்கிழமை காலையில் நியூ ஜல்பாய்குரி (சிலிகுரி அருகே) ரெயில் நிலையத்துக்கு வந்து சேருதல்.

4 மணி நேர தனி வேன் பயணத்துக்கு பிறகு டார்ஜிலிங்கை மாலை சென்று அடைதல். அங்கு முக்கிய இடங்களை சுற்றி பார்த்து விட்டு இரவு அங்கு தங்குதல். டார்ஜிலிங்கில் இருந்து செவ்வாய்க்கிழமை அதிகாலை 4 மணிக்கு புறப் பட்டு சூரியோதயம் காண டைகர் ஹில்ஸ் சென்று சேருதல்.

பின்னர் பத்மஜா நாயுடு ஹிமாலயன் விலங்கியல் பூங்கா, ஹிமாலயன் மலையேறும் பயிற்சி நிலையம், ரோப்வே, டென்சிங் ஜாம்பு பாறை, கூர்க்கா கைவினை பொருள்கள் மையம் ஆகிய இடங்களை பார்வையிட்டு இரவில் தங்குதல்.

புதன்கிழமை காலை காங்டாக் புறப்படுதல், பிற்பகல் காங்டாக் சென்று பார்வையிடுதல் இரவில் தங்குதல். வியாழக்கிழமை காலையில் ட்சோமோகோ ஏரி, பாபா ஆலயம் உள்பட பல இடங்களை சுற்றி பார்த்து விட்டு இரவு தங்குதல்.

வெள்ளிக்கிழமை பொட்டானிக்கல் கார்டன், மலர் கண்காட்சி பார்த்து விட்டு நியூஜல்டிகுரி சென்று சேருதல். பின்னர் கொல்கத்தாவுக்கு மாலை 4.55 மணிக்கு சென்று சேருதல்.

சனிக்கிழமை அதி காலை 6.35 மணிக்கு அவுரா சென்று சேருதல், இதன்பின் கொல்கத்தாவில் இடங்களை சுற்றி பார்த்தல்.

அதன் பிறகு அவுரா ரெயில் நிலையத்தில் இருந்து சென்னைக்கு புறப்படுதல். இந்த ரெயில் ஞாயிற்றுக் கிழமை புறப்பட்டு அதிகாலை 3.50 மணிக்கு சென்னை சென்ட்ரல் ரெயில் நிலையம் வந்து சேரும்.

10 பகல் 9 இரவு கொண்ட இந்த சுற்றுலா பயணத்துக்கு (பெரியவர், சிறியவர் உள்பட) அனைவருக்கும் கட்டணம் தலா ரூ.7000.

மேற்கண்ட தகவலை திட்ட மேலாளர் எம்.எஸ்.செங்குட்டுவன் தெரிவித்தார். மேலும் விவரங்களுக்கு 28257214, 28278884 எண்களில் தொடர்பு கொள்ளலாம்.