தூத்துக்குடியில் 'சேர் கார்' டவுன் பஸ்

நெல்லை: சொகுசு இருக்கை வசதி கொண்ட 'சேர் கார்' டவுன் பஸ்கள் நாளை தூத்துக்குடியில் அறிமுகப்படுத்தப்படுகிறது..

நெல்லை அரசு போக்குவரத்து கழகம் பயணிகளுக்கு பல்வேறு வசதிகளை செய்து வருகிறது. இதையொட்டி தூத்துக்குடியில் சொகுசு இருக்கைகள் கொண்ட சேர் கார் டவுன் பஸ்கள் நாளை முதல் அறிமுகப்படுத்தப்பட உள்ளன.

இந்த பஸ்களில் ஒரு பக்கத்தில் இரு இருக்கைகள் வீதம் 44 சொகுசு இருக்கைகள் உள்ளன. தனியார் பஸ்களை விட பயணிகளை கவரும் வகை சேர் கார் டவுன் பஸ்கள் வடிவமைக்கப்பட்டுள்ளன.

இந்த பஸ்கள் குறிப்பிட்ட நிறுத்தங்களில் மட்டும் நிறுத்தப்படுவதால் வழக்கமான டவுன் பஸ் கட்டணத்தை விட இரு மடங்கு கூடுதல் கட்டணம் நிர்ணயிக்கப்பட்டு இருக்கிறது.