தங்கம் விலை மகா சரிவு - பவுனுக்கு ரூ.536 குறைந்தது!

சென்னை: தங்கம் விலையில் பெரும் சரிவு காணப்பட்டது. இன்று தங்கத்தின் விலை பவுனுக்கு ரூ.536 குறைந்தது.

தங்கம் வாங்குவதை எட்டாக் கனியாக நினைக்கும் அளவுக்கு அதன் விலை சமீப காலமாக கிடுகிடுவென உயர்ந்து வந்தது. இதனால் நடுத்தர வர்க்க மக்கள் பெரும் கவலையில் மூழ்கினர்.

எப்போதும் இல்லாத அளவுக்கு கடந்த 16ம் தேதி ஒரு பவுன் தங்கம் ரூ.10,040க்கு விற்கப்பட்டது. மக்களை அதிர்ச்சியில் தள்ளிய இந்த விலையேற்றம் கடந்த சிலநாட்களாக சரியத் தொடங்கியுள்ளது.

நேற்று மாலை ஒரு பவுன் ரூ. 9,696க்கு விற்றது. இன்று ரூ.536 குறைந்து ரூ.9,160க்கு விற்பனை செய்யப்பட்டது. நேற்று கிராம் விலை ரூ. 1212 ஆக இருந்தது. இன்று ரூ. 1145 ஆக இருந்தது.

நேற்று கிராம் ரூ.1,212க்கு விற்கப்பட்டது. இன்று ரூ.1,145 ஆக இருந்தது.

கடந்த 4 தினங்களில் மொத்தம் 900 ரூபாய் அளவுக்கு தங்கத்தின் விலை குறைந்துள்ளது. இதனால் மக்கள் கவலை சற்றே குறைந்துள்ளது.