சோனியாவுடன் சந்திப்பு வெளி வேஷம்-அத்வானி மீது காங். தாக்கு

டெல்லி:ஹோலி தினத்தன்று சோனியா காந்தியை பாஜக மூத்த தலைவர் அத்வானி சந்தித்தது வெளி வேடம் என்று காங்கிரஸ் கட்சி கருத்து தெரிவித்துள்ளது.

சமீபத்தில் தான் எழுதிய வாழ்க்கை சரித புத்தகத்தை அத்வானி வெளியிட்டார். இந்த புத்தக விற்பனையை அதிகரிக்கவே அவர் சோனியாவை அவரது இல்லம் தேடி வந்து சந்தித்து பரபரப்பு ஏற்படுத்தியதாக குற்றச்சாட்டு எழுந்துள்ளது.

இது குறித்து காங்கிரஸ் செய்தித் தொடர்பாளர் அபிஷேக் சிங்வி கூறுகையில்,

அத்வானி எழுதியுள்ள புத்தகத்தில் காங்கிரஸை கடுமையாக விமர்சித்துள்ளார். புத்தக வெளியீட்டு விழாவில் கூட சோனியாவை தனிப்பட்ட முறையில் தாக்கி பேசினார்.

ஆனால், ஹோலி பண்டிகை அன்று சோனியாவை அவர் சந்தித்து பேசியது வெளி வேடம். தனது புத்தகத்தில் ஏராளமான விஷயங்களை அவர் மறைத்துள்ளார் என்பதே நிஜம் என்றார்.