பஸ் டிக்கெட் வாங்க 'டிக்கெட்வாலா.காம்'!

சென்னை: மும்பையை சேர்ந்த ஆன்லைன் பஸ் டிக்கெட் விற்பனை நிறுவனமான டிக்கெட்வாலா.காம் (www.ticketvala.com), தனது புதிய கிளையை சென்னையில் தொடங்கியுள்ளது.

இது குறித்து 'டிக்கெட்வாலா.காம்' நிறுவன தலைமை செயல்அதிகாரி ஹரநாத் லோகநாதம் கூறுகையில்,

"கடந்த 2007ம் ஆண்டில் இருந்து ஆன்லைனில் பஸ் டிக்கெட்டுகளை விற்பனை செய்து வருகிறோம். நாடுமுழுவதும் 200க்கும் மேற்பட்ட பஸ் நிறுவனங்களுடன் கூட்டு சேர்ந்து இந்த சேவையை வழங்குகிறோம்.

இன்டர்நெட்மூலம் ஆன்லைனில் தங்களுக்குத் தேவையான இருக்கைகளை வாடிக்கையாளர்கள் முன்பதிவு செய்து கொள்ளலாம். எங்களுடைய கால்சென்டரில் தொடர்பு கொண்டும் டிக்கெட்டுகளைப் பெறலாம்.

மும்பை, அகமதாபாத், புனே ஆகிய நகரங்களில் எங்களது கிளைகள் இயங்கி வருகின்றன. இப்போது சென்னை, பெங்களூரு, ஹைதராபாத் ஆகிய நகரங்களில் புதிய கிளைகள் தொடங்கப்பட்டுள்ளன.

இதன்மூலம் தென்னிந்திய நகரங்கள் முழுவதும் எங்களது நெட்வொர்க்கில் இணைவதால் இந்தியாவின் எந்த மூலைக்கும் பயணிகள் சென்றுவருவதற்கான பேக்கேஜை விரைவில் வழங்குவோம்.

2008 பிப்ரவரிவரை 10 லட்சத்துக்கும் அதிகமான வாடிக்கையாளர்கள் எங்களது நிறுவனத்தின்மூலம் டிக்கெட் முன்பதிவு செய்துள்ளனர் என்பது குறிப்பிடத்தக்கது" என்றார்.