கோவையில் வேலைவாய்ப்பு திருவிழா

கோவை: கோவையில் பல்வேறு பன்னாட்டு நிறுவனங்கள் பங்கேற்கும் வேலை வாய்ப்புதிருவிழா நடைபெறவுள்ளது. இதில் இன்போசிஸ், ரிலையன்ஸ் உள்ளிட்ட நிறுவனங்கள் பங்கேற்கவுள்ளன.

மொத்தம் 25க்கும் மேற்பட்ட ஸ்டால்கள் அமைக்கப்பட்டுள்ளன.

சால்வர்ஸ் இந்தியா என்ற நிறுவனம் சார்பில் ஜாப் குவெஸ்ட் 2008 என்ற பெயரில் இந்த வேலை வாய்ப்பு திருவிழாவுக்கு ஏற்பாடு செய்யப்பட்டுள்ளது.

இதில் ரிலையன்ஸ், இன்போசிஸ் மற்றும் பன்னாட்டு நிறுவனங்கள் உட்பட பிரபல நிறுவனங்கள் பங்கேற்கும் 25 ஸ்டால்கள் அமைக்கப்பட்டுள்ளன.

இந்த கண்காட்சியில், வேலை வாய்ப்பை அளிக்கும் நிறுவனங்கள், வேலை வாய்ப்பை பெறுபவர்கள் என அனைவரும் ஒரே இடத்தில் சந்தித்து தங்களுக்கான வாய்ப்புகளை அறிந்து கொள்ள வசதி செய்யப்பட்டுள்ளது.

இதில் கலந்து கொண்டு வெற்றி பெறுவர்களுக்கு ஆன் தி ஸ்பாட்டிலேயே வேலைவாய்ப்புக்கான உத்தரவு வழங்கப்படுகிறது.

கோவை ராமகிருஷ்ணா மண்டபத்தில் மார்ச் 29 மற்றும் 30 ஆகிய தேதிகளில் காலை 10 மணி முதல் மாலை 6 மணி வரை இந்த வேலைவாய்ப்பு திருவிழா நடைபெறுகிறது.