ராகு பெயர்ச்சி- திருநாகேஸ்வரத்தில் சிறப்பு வழிபாடு

தஞ்சை: ராகு பெயர்ச்சியை முன்னிட்டு திருநாகேஸ்வரம் கோயிலில் சிறப்பு பூஜைகளுக்கு ஏற்பாடு செய்யப்பட்டுள்ளது.

நவக்கிரகங்களில் ராகு கோயில் கொண்டிருக்கும் திருநாகேஸ்வரம், கும்பகோணத்திற்கு கிழக்கே 6 கி.மீ. தொலைவில் அமைந்துள்ளது. இது சிவபெருமானை ராகுபகவான், பூஜித்த திருத்தலமாகும்.

இக்கோயிலில் அருள்மிகு பிறையணியம்மன் உடனுறை நாகநாத சுவாமி, கிரிகுஜாம்பிகை ஆகியோர் அருள்பாலிக்கின்றனர். தேவியர் சமேதராய் ராகுபகவான் தனி சன்னதியில் அருள்பாலிக்கிறார். இத்தலத்தில் ராகுபகவானை வழிபட்டால் தோஷங்கள் நீங்கி நன்மை கிடைக்கும் என்பது பக்தர்களின் நம்பிக்கை.

வரும் 9ம் தேதி ராகு-கேது பெயர்ச்சி நடக்கிறது. அன்று காலை 8.31 மணிக்கு கும்ப ராசியிலிருந்து மகர ராசிக்கு ராகு பெயர்ச்சி அடைகிறார். இதற்காக திருநாகேஸ்வரம் கோயிலில் சிறப்பு வழிபாடுகள் நடக்கின்றன.
இந்த உற்சவத்தில் கலந்து கொண்டு வழிபாடு செய்ய மாநிலத்தின் பல மாவட்டங்களில் மக்கள் வருகின்றனர். பக்தர்களின் வசதிக்காக சிறப்பு பஸ் வசதி செய்யப்பட்டுள்ளது.